إللى يحب ما بيجرحش

وإنت بتجرح ومابتفرقش

وعن جرحك ليا مابتوبش

ولا عايز تدخل بحر عشقى وما تغرقش

نسيت إللى كان

دا إللى كان ما يتنسيش

ولا كلام

من غيرك أنا مش هقدر أعيش

والدنيا حبيبتى وإنتِ مش فيها ما تنطقش

ليك حاجه جوا منى هقولها ليك وما تزعلش

من قسوتك حبيبك خلاص ما بيحبكش

متفقين جوا بيتنا مفيش إنت وأنا

مفيش كلمه منك وكلمه منى أنا

كل الكلام بنقوله لبعض وما بننحرجش

كلام حلو كلام وحش ما بتفرقش

ولما نخرج من باب بيتنا فيه إنت وأنا

ولا خلاص نسينا وما بنتعلمش

من إمتى بنقول فلان جه وفلان ماجاش

من أول ما عشقنا بعض ضربنا لكل أهل الدنيا طناش

مادام إنت جنبى وأنا جنبك الدنيا ما تستاهلش

لكن الناس إللى عنهم هنتسأل

وموجودين فى الدنيا وقت وبيقولوا لينا قريب هنرتحل

محتاجه أكسب رضاهم وده أبسط حل

ده عنهم إحنا برضه ما نستغناش

وإنت عارف  حبك فى قلبهم جاوب ما تستناش

لكن من قسوتك حبيبك خلاص مبيحبكش

من غير كدب ولا غش

خليك ذى مانت ولو إتغيرت سدقنى ما هعرفكش

يبقى بعد ده كله بتقول حبيبى بحبك

ياريت تسأل إللى فى الشمال

سدقنى هو هيقولك

بتجرح ليه

عايز من كل ده إيه

لو فضلت كتير كده

بعدها ما تندمش

لو كنت حبيبك

تانى ما تتهورش

خلي حياتنا غاليه عليك

علشان فيها ما نتعثرش

نقدر نحافظ على عشقنا

إذاى الشجر يكبر وهو ما بيشربش

دقق

إفتكر

ماتعاندش

ولا خلاص

إللى كان بقى ما يستاهلش

دى إللى كان ولا فى الأحلام

لنفسك كفايه بقه ما تغالطش

دى ما يتنسيش

ولو خدتك الدنيا عنه

سدقنى ما تستاهلش

ما تستاهلش